اکاؤنٹنگ کی معیاری تعریف

گزشتہ بلاگ میں ہم نےاکاؤنٹنگ کی سادہ وضاحت کے بارے میں  جانا، اب ہم اکاؤنٹنگ کی مصدقہ تعریف پر آتے ہیں جو کہ    "امریکن انسٹی ٹیوٹ آف پبلک اکاؤنٹنٹس" کی طرف سے جاری کی گئ ہے۔  یہ تعریف اکاؤنٹنگ کے بارے میں ہمیں بہت  ساری تفصیل دیتی ہے. یہ ہمیں اکاؤنٹنگ کے فنکشن،اور اکاؤنٹنگ کے مقصد کے بارے میں آگاہ کرتی ہے-

"اکاؤنٹنگ ایک فن ہے, جس میں وہ ٹرانزیکشنز اور واقعات جن میں کسی طرح سے پیسہ شامل ہوتا ہو کو، ایک خاص انداز میں ریکارڈنگ، درجہ بندی اور خلاصہ کرتا ہے،  پیسوں کے لحاظ سے ۔اور اس کے نتا ئج کی وضاحت کرتا ہے۔ "

(امریکن انسٹی ٹیوٹ آف پبلک اکاؤنٹنٹس)

اکاؤنٹنگ کے فنکشن:

          ریکارڈنگ، درجہ بندی اور خلاصہ کرنا اکاؤنٹنگ کے فنکشن میں شامل ہوتا ہے۔ ہر کاروباری ٹرانزیکشن اور ایونٹ کے لئے ہم اس فنکشن کو لاگو کرتے ہیں۔ کس طرح اکاؤنٹنٹ اس پرعمل کرے گا،  اس بحث کو مستقبل کے لیے چھوڑ دیتے ہیں ۔ ابھی کے لیے ہم صرف اتنا سمجھ لیتے ہیں کہ ریکارڈنگ، درجہ بندی اور خلاصہ کرنا اکاؤنٹنگ کے فنکشن میں شامل ہے-

خاص انداز:

    اکاؤنٹنگ ہمیں ان فنکشن کو کس طرح سے اپنانا ہے کے بارے میں بھی کچھ ہدایات بھی دیتا ہے، جنکو ہم اکاؤنٹنگ کے اسٹنڈرڈز کہتے ہیں۔ کیا ریکارڈ کرنا چاہئے؟ کہاں اسکی درجہ بندی کی جائے گی؟ اور اسکا خلاصہ کیسے کیا جاۓ گا؟ ان  اسٹنڈرڈز کو اکاؤنٹنگ کے "بین الاقوامی مالیاتی رپورٹنگ معیارات (IFRS)" کہتے ہیں۔

    اکاؤنٹنٹ دنیا بھر میں ان معیارات  کے مطابق اکاؤنٹ بنا تے ہیں۔ جس کا ایک فائدہ یہ ہوتا ہے کہ دنیا کے کسی بھی ملک میں کاروبار کے حساب کتاب سمجھنے میں ہمیں آسانی ہوتی ہے-

ٹرانزیکشن / واقعات کی نوعیت:

    اکاؤنٹنگ صرف ان ٹرانزیکشنز اور واقعات کے بارے میں معلومات فراہم کرتا ہے جس میں ریکارڈنگ کے وقت پیسہ آیا یا گیا ہو، یا  موجٓودہ کسی عمل سے مستقبل قریب میں  کچھ  پیسہ آ , یا جا سکتا ہے-

    ٹرانزیکشنز اور واقعات کی مثال خرید اور فروخت، اور اثاثے / اثاثوں کی قیمتوں کا تعین وغیرہ شامل ہے۔

اکاؤنٹنگ کا مقصد:

    اکاؤنٹنگ کا مقصد تمام ٹرانزیکشن اور واقعات کے نتائج جو ریکارڈ کی گئ تھی، کی اسطرح  تشریح کرنا ہے،  جس کے نتیجے اور بنیاد پر اس کاروبار کے متعلقین (اسٹاک ہولڈرز)اپنے مالیاتی فیصلے کر سکے۔

متعلقین:

    بہت سارے لوگ یا لوگوں کا گروہ،ادارے اور سرکاری تنظیمیں جن کا کسی طرح سے کاروبار کے ساتھ تعلق ہوتا ہے ۔ کاروبار کے متعلقین کہلاتے ہیں-

    مثال کے طور پر، کمپنی کی انتظامیہ، کمپنی کے ملازمین، گاہک اور سپلائرز، ٹیکس ایجنسیاں، ریگولیٹری حکام اور عام لوگ-

    ہر اسٹیک ہولڈر کو اس خاص کاروبار کے منافع بخش ہونے سے اپنا مقصد ہوتا ہے۔

نتیجہ:

    اکاؤنٹنگ طے کۓ گۓ معیارات کے مطابق مالیاتی معلومات فراہم کرتا ہے جنکو بنیاد بنا کر اس کاروبار کے متعلقین کاروباری فیصلے کرے۔

اکائونٹنگ کیا ہے؟

اکاؤنٹنگ کی معیاری تعریف کو چھوڑکر ہم اس آسان تعریف سے شروع کرتے ہیں کہ:
"اکاؤنٹنگ ، کاروبار کی زبان ہے".

زبان:

زبان بیرونی دنیا سے بات چیت اوراسکو سمجھنے کاذریعہ ہے. اکاؤنٹنگ کے حوالے سے ھم یہ کہ سکتے ھیں کے، یہ کاروبار کو سمجھنے کا طریقہ ہے۔

بزنس / کاروبار:

کاروبارسے مراد ایسی سرگرمی یا سرگرمیوں ہے جو منافع کے مقصد کیلئے شروع کی جاتی ہے. جب ہم اپنے اردگر میں نظردوڑاتے ہیں توھمیں ایسی بہت ساری سرگرمیاں نظرآتی ہیں، درج ذیل میں ان سب کو تین وسیع اقسام میں تقسیم کیا گیا ہیں.

1. مینوفیکچرنگ 2. ٹریڈنگ(تجارت) 3. سروسنگ(خدمات)

1. مینوفیکچرنگ:

مینوفیکچرنگ سے مراد وہ سرگرمیاں / عمل جہاں آؤٹ پٹ ، ان پٹ سے مختلف ھوتا ہے. مثال کے طور پر خام مال خرید کر اور پھراس سے کوئ سامان بنا کر کے فروخت کیا جاۓ.
بہت سارے کاروباری ادارے مثلا ، گارمنٹس فیکٹریاں، دواسازی، تیل ریفائنریریز، شوگر کمپنیاں، چرمی، آٹوموٹو، فلور ملز وغیرہ اس زمرے میں شامل ھوتے ھیں.

2. ٹریڈنگ(تجارت):
ٹریڈنگ کاروبار کاوہ زمرہ ہے جہاں ان پٹ کسی بھی تبدیلی کے بغیر یاپھر کچھ اضافی تبدیلیوں کے ساتھ جیسا کہ پیکنگ، برانڈنگ وغیرہ کرکے فروخت کیا جاۓ۔

ٹریڈنگ کو مزید دو اقسام، Retails(پرچون) اور Wholesales( تھوک تجارت) میں تقسیم کیا جا سکتا ہے.
ریٹیل ٹریڈنگ سے مراد تاجرعام عوام کو اشیاء فروخت کرے، اور تھوک تجارت میں تاجر دوسرے کاروباروں / تاجروں کو اشیاء فروخت کرتا ھے.
  تجارتی کاروبار کی مثال جنرل اسٹورز، سپر اسٹورز، میڈیکل سٹورزوغیرھ ہے.
جب یہ تجارت مختلف ممالک کے درمیان ھو تو اسے درآمد اور برآمد کہتے ہیں.

3. سروسنگ(خدمات):

ایسی کاروباری سرگرمیاں جن میں کسی بھی قسم کی اشیاء کی خرید وفرہخت نھیں ہوتی بلکہ کاروباری اداروں یا عوام کوپیسوں کے بدلے خدمات فراہم کی جاۓ. اس قسم کے کاروباری اداروں کو سروسنگ بزنس کہا جاتا ہے.

نتیجہ:

لہذا، اب ہم کہ سکتے ہیں کےکسی بھی کاروبار کے بارے میں جاننے کے لیے ہم جس چیز کا سہارہ لیتےھیں اسے اکاؤنٹنگ کہتے ھیں۔ اکاؤنٹنگ کے ذریعے ہم نہ صرف کاروبارکو سمجھتے ہیں بلکہ کسی بھی کاروبار کے بارے میں کوئ نظریہ اور رائے قائم کرتے ہیں.

Website: http://sirmuhammadirfan.com/

Facebook: https://www.facebook.com/SirMuhammadIrfan